網紅的藏寶箱唔經唔覺，已經出咗好幾條片。
第一日決定做呢個YouTube Channel嘅時候，
幫我拍攝嘅製作團隊好認真問我：
「拍呢啲，可能未必有好多人睇個喎，
不如拍啲爆少少嘅，娛樂性多少少嘅仲好啦！」
其實我係知道呢一類嘅短片未必會好受歡迎，
subscribe嘅人未必好多，view數未必好爆，
對比其他明星藝人做嘅，亦未必有好大話題性。
不過，我好認真同佢哋講：
「哪怕每次只係有一千幾百，甚至一百幾十人睇，
只要入面其中有一個人聽完我講嘅內容，
然後肯作出改變，最後生命起咗正面嘅變化，
咁我哋為呢件事嘅付出，已經非常值得！」
信不信由你，做「Bobtivation」嘅初心，
唔係期望會為我帶嚟乜嘢廣告分成收入，
我只係想為而家呢個唔係太開心嘅環境，
帶嚟多一點點嘅希望，多一點點嘅正能量。
👇有興趣嘅，㩒入去，訂閱下啦，多謝👇
https://youtube.com/c/Bobtivation林盛斌
Search